گوجرانوالہ( نمائندہ خصوصی) چیئر مین پی ایچ اے ایس اے حمید نے کہا ہے کہ پی ایچ اے کے زیر انتظام جی ٹی روڈ ،پسرور روڈ ،سیالکوٹ روڈ ،کشمیر روڈ گرین بیلٹس پر مون سون شجرکاری مہم کے تحت پودے و بڑے درخت لگانے کا سلسلہ تیزی سے جاری ہے تاکہ برسات کے موسم کا بھرپور فائدہ اٹھاتے ہوئے زیادہ سے زیادہ پودے لگائے جاسکیںاور یہ سلسلہ مون سون کے سیزن ختم ہونے تک جاری رہے گا۔شہرکی اہم شاہراہوں پر مختلف اقسام کے مقامی پھلدار،پھولداراور سایہ دار درخت لگائے جارہے ہیں تاکہ آلودگی میں کمی واقع ہو اور ماحول کے سر سبزو شاداب ہونے سے شہر ی خوشگوار تبدیلی محسوس کر سکیں۔