دورہ ویسٹ انڈیز،اظہر علی،عابد اور عمران بٹ بری طرح ناکام 

کنگسٹن(آئی این پی)سابق کپتان   اظہر علی کی ناکامیوں کا سلسلہ طویل ہو گیا، ویسٹ انڈیز کیخلاف سیریز میں بھی وہ بدترین ناکامی کا شکار ہوئے،انھوں نے4اننگز میں محض62رنز بنائے۔ویسٹ انڈیز کے خلاف 2 ٹیسٹ میچز کی سیریز میں اظہرکی بیٹنگ ناکامی سے دوچاررہی، انھوں نے 4 اننگز میں 15.50 کی معمولی اوسط سے صرف62رنز بنائے،ان کی سب سے بڑی اننگز بھی صرف 23رنز کی رہی، مجموعی طور پر اظہر علی نے اس دوران صرف7بار گیند کو باونڈری کی سیر کرائی۔ ٹیم کے ایک اور بیٹنگ ستون عابد علی بھی توقعات کا بوجھ اٹھانے میں بری طرح ناکام دکھائی دیے۔انھوں نے  18.25کی ایوریج سے صرف 73رنز بنائے، ان کا سب سے بڑا اسکور 34رہا، دوسرے اوپنر عمران بٹ بھی بدترین ناکامی کا شکار ہوئے۔