ملتان ( لیڈی رپورٹر )گورنمنٹ ولایت حسین اسلامیہ گریجویٹ کالج میں لائنز انٹرنیشنل کی جانب سے شجرکاری مہم کے سلسلہ میں پودے لگائے گئے۔ اس سلسلہ میں فرسٹ وائس ڈسٹرکٹ گورنر محمد وسیم، آصف صدیقی، شعیب صدیقی اور زین قریشی نے اسلامیہ گریجویٹ کالج معصوم شاہ روڈ کا دورہ کیا اور پرنسپل کالج اعجاز اے شیخ اورسٹاف کے ہمراہ پودے لگائے۔محمد وسیم شیخ نے  کہا کہ لائنز انٹرنیشنل شجرکاری مہم کے حوالہ سے فعال کردار ادا کررہا ہے ملتان میں شجرکاری کے حوالہ سے بیشتر علاقوں اداروں میں جاکر پودے لگائے اور اب مظفر گڑھ میں ضلعی انتظامیہ کے تعاون سے فاریسٹ سٹی پر کام کیا جارہا ہے۔