آرمی چیف جنرل قمر جاوید باجوہ کا سلیمانکی سیکٹر اور بہائولنگر گیریژن کا دورہ، فوجیوں کی آپریشنل تیاریوں پر بریفنگ دی گئی

 آرمی چیف جنرل قمر جاوید باجوہ نے سلیمانکی سیکٹر کا دورہ کیا ۔ پاک فوج کے شعبہ تعلقات عامہ آئی ایس پی آر کے مطابق آرمی چیف کو فوجیوں کی آپریشنل تیاریوں پر بریفنگ دی گئی۔ آرمی چیف نے سلیمانکی سیکٹر میں تعینات افسروں اور جوانوں سے بات چیت کی۔ آرمی چیف نے افسروں اور جوانوں کی پیشہ وارانہ تیاریوں اور عزم کو سراہا۔ آرمی چیف نے بہائولنگر گیریژن کا بھی دورہ کیا۔ آرمی چیف نے ہیوی میکنائزڈ بریگیڈ کے جوانوں کی جنگی مشقیں بھی دیکھیں ۔ آرمی چیف نے جوانوں کی تربیتی حربی تیاریوں اور صلاحیتوں پر اظہار اطمینان کیا۔ آرمی چیف نے کہاکہ بڑے پیمانے پر خطرے سے نمٹنے کیلئے صلاحیتوں کو مزید نکھارنا چاہیے۔