فیروزوالہ( نامہ نگار) جی ٹی روڈ کی آبادی کالا شاہ کاکو میں گھریلو جھگڑے پر شوہر نے بیوی پر تشدد کر کے زخمی کر ڈالا۔صائمہ گھر میں بچوں کیلئے کھانا تیار کر رہی تھی کہ اس دوران روٹیوں پر زیادہ گھی لگانے پر میاں بیوی میں تلخ کلامی ہوگئی جس پر وسیم نے اپنی بیوی پر تشدد کرکے زخمی کردیا۔ فیروزوالا پولیس نے مقدمہ درج کرلیا۔
فیروزوالہ:3خواتین سمیت
4 رکنی گروہ نے زرگر کولوٹ لیا
فیروزوالہ( نامہ نگار) جی ٹی روڈصرافہ بازار میں 3 خواتین سمیت نوسر بازوں کا 4 رکنی گروہ زرگر ملک محمد آصف کی جیولرز شاپ پر گاہکوں کے روپ میں آیا اور زرگر کو باتوں میں لگا کر لاکھوں روپے مالیت کے زیورات اپنے ہینڈ بیگ میں ڈال کر روپوش ہوگیا۔ تھانہ سٹی پولیس نے زرگر محمد آصف کی رپورٹ پر مقدمہ درج کر لیا ہے۔