دریائے سوات میں  اونچے درجے کےسیلاب کی وجہ سے  زیر تعمیر مہمند ڈیم کی  تعمیراتی سرگرمیاں متاثر ہوئی ہیں۔ انتظامیہ کا کہنا ہے کہ سیلابی صورت حال کے باعث مہمند ڈیم پراجیکٹ پر تعمیراتی سرگرمیاں متاثر ہوئی ہیں، دریائے سوات میں پانی کے بہاؤ میں مزید اضافہ متوقع ہے۔ترجمان واپڈا کے مطابق زیر تعمیر مہمند ڈیم پراجیکٹ ایریا میں غیر معمولی صورت حال کا سامنا ہے،انتہائی اونچے درجے کے سیلاب کی وجہ سے دریائے سوات کا پانی زیر تعمیر مہمند ڈیم کی ڈائی ورشن ٹنلز میں داخل ہو گیا ہے۔ترجمان کاکہناہےکہ  صورت حال کے پیش نظر پراجیکٹ انتظامیہ کی جانب سے حفاظتی اقدامات عمل میں لائے گئے ہیں،مہمند ڈیم پراجیکٹ انتظامیہ مستعدی سے صورت حال کا جائزہ لے رہی ہے۔