ننکانہ: چوری وڈکیتی کی وارداتیں‘ شہری لاکھوں کے مال وزرسے محروم

ننکانہ صاحب(نامہ نگار) چوری وڈکیتی کی وارداتوں میں شہری لاکھوں کے مال وزرسے محروم ہو گئے۔ تفصیلات کے مطابق گزشتہ روز تھانہ واربرٹن کے علاقہ کچی کوٹھی پل نہر کے قریب چار ڈاکو بنک کے ا یگری منیجر آصف محمود سے 25 ہزار روپے ‘ موبائل فون اور موٹر سائیکل نمبر چھین کر لے گئے، تھانہ مانگٹانوالہ کے علاقہ جلال نو کے قریب دو موٹر سائیکل سوار ڈاکو وسیم سے موبائل لے گئے، سبزی منڈی شاہکوٹ کے قریب دو نامعلوم کارسوار ڈاکو گیس سلنڈر شاپ کے مالک روف سے 20 ہزار روپے اور موبائل لے گئے جبکہ کالج روڈشاہکوٹ پر سپرٹ سکول کے قریب گھر کے باہر سے چور ذبیح اللہ کی موٹر سائیکل لے گئے۔