لاہور(کامرس رپورٹر ) پاکستان انڈسٹریل اینڈ ٹریڈرز ایسو سی ایشنز فرنٹ(پیاف)کے چیئرمین فہیم الرحمان سہگل، سینئر وائس چیئرمین نصراللہ مغل ، وائس چیئرمین طاہر منظور چودھری ،پیاف کے سابق چیئرمین و لاہور چیمبرکے سابق صدور میاں انجم نثار ، محمد علی میاں، ابوذر شاد، صدر ایف پی سی سی آئی عرفان اقبال شیخ اور دیگر سینئر ممبران پیاف نے میاں مصباح الرحمان کوفائونڈرز گروپ کا بلا مقابلہ چیئرمین بننے پردلی مبارکباد دی ہے۔  فہیم الرحمان نے سبکدوش ہونیوالے فائونڈرز گروپ کے چیئرمین افتخار علی ملک کی صنعت و تجارت کی ترقی و بحالی کیلئے 50 سالہ خدمات کو بھی خراج تحسین پیش کیا ہے۔