ملتان میں مہمان ٹیموں کا شہرکی کلچرل سجاوٹ کیساتھ بھر پور استقبال کرنے کا اعلان

لاہور(سپورٹس رپورٹر)ڈپٹی کمشنرملتان عمر جہانگیر نے کہاہے کہ انٹرنیشل کرکٹ میلے کے افتتاحی میچ کی میزبانی اعزازہے۔ شائقین کیلئے خصوصی شٹل سروس اورپارکنگ کا انتظام کیا جائے گا۔ٹکٹوں کی فروخت اور چیکنگ کے میکنزم کی کڑی نگرانی کریں گے۔مہمان ٹیموں کا شہر کی کلچرل سجاوٹ کے ذریعے بھرپور استقبال ہوگا۔ڈپٹی کمشنر نے فول پروف سکیورٹی انتظامات کا حکم بھی دیا۔انہوں نے کہاکہ ضلعی انتظامیہ کی ایشیا کرکٹ کپ کی میزبانی کیلئے تیاریاں آخری مراحل میں داخل ہوگئی ہیں۔کرکٹ سٹیڈیم اور روٹس پر لائٹنگ اور صفائی و ستھرائی کے اقدامات شروع کردیئے گئے ہیں۔ ویسٹ مینجمنٹ کمپنی عملے نے سٹیڈیم انکلوژرز میں دھلائی اور صفائی مکمل کرلی ہے۔