ورلڈ کپ: پاکستان ‘انگلینڈ میچ کے تمام ٹکٹس فروخت ہوگئے

لاہور(سپورٹس رپورٹر)بھارت میں شیڈول آئی سی سی ورلڈ کپ میچوں کی ٹکٹ بکنگ شائقین کیلئے درد سر بن گئی۔بھارت میں آئی سی سی ورلڈ کپ میچز کی آن لائن ٹکٹ بکنگ شروع ہوتے ہی ویب سائٹ کریش کر گئی جس کے بعد شائقین کرکٹ بی سی سی آئی کی بدانتظامی اور نااہلی پر برس پڑے۔آئی سی سی نے ٹکٹوں کی مرحلہ وار فروخت شروع کی ہے، 11 نومبر کو شیڈول پاکستان اور انگلینڈ میچ کے تمام ٹکٹس فروخت ہوگئے ہیں۔بھارت کے میچوں کے ٹکٹس 30 اگست سے دستیاب ہوں گے جبکہ پاکستان بھارت ٹاکرے کے ٹکٹ 3 ستمبر کو فروخت ہوں گے۔ آئی سی سی کرکٹ ورلڈکپ 5 اکتوبر سے شروع ہوگا اور پاکستان بھارت ٹاکرا 14 اکتوبر کو احمد آباد میں ہوگا۔