لاہور(سپورٹس رپورٹر)نسیم شاہ نے فضل حق فاروقی کے اوور میں دو چوکے لگا کر جیت اپنی ٹیم کے نام کی توگرین شرٹس کی جیت کے بعد جہاں قومی ٹیم کے کھلاڑی نسیم شاہ کو مبارکباد دینے بھاگتے ہوئے گراؤنڈ میں پہنچے تو وہیں ڈریسنگ روم میں بھی جذبانی مناظر دیکھنے کو ملے اور تمام کھلاڑی، کوچنگ سٹاف اور مینجمنٹ کے ارکان جیت کی خوشی میں جھوم اٹھے۔افغانستان کے خلاف فتح کے بعد ڈریسنگ روم میں خوب شور مچایا ایک دوسرے کو گلے لگایا، کھلاڑیوں نے میچ کے ہیرو نسیم شاہ کو مبارکباد پیش کی۔افتخار احمد نے کہا کہ ہم نے نسیم شاہ کو افغانستان کیلئے ہی رکھا ہوا ہے جبکہ محمد وسیم جونیئر کا کہنا تھا ’ناقابل یقین نسیم شاہ۔بعد ازاں نسیم شاہ نے گرائونڈ میں کھلاڑیوں کو آٹو گراف بھی دیئے اور تصاویر بھی بنوائیں۔