راولپنڈی(اپنے سٹاف رپورٹر سے)سول لائنزپولیس نے لالکڑتی اورگردونواح اور ایئرپورٹ پولیس نے چھتری چوک اورگردونواح میں سرچ آپریشنزکیے،سرچ آپریشنز میں مقامی پولیس سمیت، لیڈی پولیس، ایلیٹ فورس نے شرکت کی، سرچ آپریشنز کے دوران مجموعی طور پر113گھروں،23 کرایہ داروں،38 دوکانوں اور257افراد کے کوائف چیک کیے گئے، ایس ایس پی آپریشنز فیصل سلیم کا کہنا ہے کہ سرچ آپریشنز کا مقصد جرائم پیشہ عناصر کی بیخ کنی کرنا ہے،نیشنل ایکشن پلان کے تحت سرچ آپریشنزکا سلسلہ جاری رہے گا۔