لاہو(کلچرل رپورٹر)لاہور آرٹس کونسل الحمراء یوم دفاع کے موقع پر شہداء و غازیوں کو بھرپور اندازمیں سلام پیش کرے گا۔یوم دفاع منانے کیلئے تیاریاں جاری ہیں۔ لائیو پینٹنگ شو،تصویر ی نمائش،ملی نغموں کا پروگرام، ڈرامہ ’’رنگ لائے گا شہیدوں کا لہو‘‘ و دیگر تقریبات کا انعقاد ہوگا۔ ایگزیکٹوڈائریکٹر الحمراء طارق محمود چوہدری نے اس حوالے سے بتایا کہ اے نگارِ وطن تو سلامت رہے،جذبہ دفاع پاکستان ہمارے خون میں شامل ہے۔ یوم دفاع میں ہماری آرٹسٹوں ،گلوکاروں ، موسیقاروں، ادبیوں و شاعروں کا کردار ناقابل فراموش ہے جن کو میں سلام پیش کرتا ہوں۔یوم دفاع ہماری تاریخ میں محض دفاع ہی نہیں فتح کے طور پر بھی تاریخ رقم کرگئی۔ یہ دن ہمارے سپوتوں کے جذبے، حوصلہ کی اعلیٰ ترین مثال ہے۔الحمراء میں یوم دفاع کے موقع پر ملک وقوم کی ترقی و خوشحالی، امن وسلامتی کی دعا کی جائیگی۔