قصور (نمائندہ نوائے وقت) قصور پتواں کلاں کے علاقے میں مچھلیاں پکڑتے ہوئے بچہ پانی میں ڈوب کر جاں بحق ہو گیا۔ ریسکیو اہلکاروں نے تین بچے روہی نالہ میں مچھلیاں پکڑ رہے تھے کہ 10 سالہ زین ولد جگا اچانک پانی میں گر کر ڈوب گیا۔ وقوعہ کی اطلاع پر ریسکیو 1122 کا عملہ موقع پر پہنچا اور بچے کو پانی سے نکال کر اے سی پی آر کیا گیا مگر بچہ جانبر نہ ہو سکا۔ ریسکیو اہلکاروں نے ڈیڈ باڈی کو لواحقین کے حوالے کر دیا۔ مقامی پولیس مصروف کارروائی ہے۔