لاہور(سپورٹس رپورٹر)بھارتی کرکٹر کلدیپ یادیو نے پاکستان میں چیمپئنز ٹرافی کھیلنے کی خواہش ظاہر کردی۔چیمپئنز ٹرافی 2025 ء کی میزبانی پاکستان کے پاس ہے جو فروری مارچ 2025 میں پاکستان کے تین شہروں میں شیڈول ہے۔آسٹریلیا میں گفتگو کرتے ہوئے کلدیپ کا کہنا تھاکہ ہم کرکٹرہیں جہاں بھیجا جائے گا، کرکٹ کھیلیں گے۔ پہلے کبھی پاکستان نہیں گیا اس لیے پرجوش ہوں گا، پاکستانی اچھے ہیں جب بھی موقع ملے گا وہاں جا کرکھیلیں گے۔