پاکستان کی طاقت پیس باؤلنگ‘ہمارے پاس دونوں کا کمبینیشن :نجم الحسین شانتو

لاہور(سپورٹس رپورٹر) بنگلہ دیشی کپتان نجم الحسین شانتو نے کہا ہے کہ جیت کا کریڈٹ تمام بیٹرز کو جاتا ہے۔راولپنڈی کرکٹ سٹیڈیم میں پریس کانفرنس کرتے ہوئے کپتان نجم الحسن نے کہا کہ بنگلہ دیشی سپنرز نہایت تجربہ کار ہیں، شکیب کی کارکردگی بھی عمدہ رہی، انھوں نے بہت اچھا پرفارم کیا، ہمارے لیے بہت خوشی کا مقام ہے۔ موسم کی صورتحال بھی ہمارے لیے ساز گار رہی، ہم نے شدید گرم موسم میں کھیلا اور رزلٹ حاصل کیا، جیت کا کریڈٹ تمام بیٹرز کو بھی جاتا ہے جنہوں نے بالز کو شاندار انداز میں کھیلا ، باؤلرز نے بھی بہترین پرفارمنس دی۔ پاکستان کی طاقت پیس باؤلنگ ہے ہمارے پاس دونوں کا کمبینیشن تھا ، جب ہم پانچویں دن کھیل کیلئے اترے تو امید تھی کہ ہم جیتیں گے۔ دوسرا ٹیسٹ بھی نہایت اہم ہے۔