بنگلہ دیش اے کیخلاف 14رکنی پاکستان شاہینز کا اعلان‘محمد حارث کپتان مقرر 

لاہور(سپورٹس رپورٹر)پاکستان کرکٹ بورڈ نے بنگلہ دیش اے کیخلاف تین ون ڈے میچوں کی سیریز کیلئے14رکنی پاکستان شاہینز کا اعلان کردیا ہے۔ سیریز کا پہلا میچ آج کھیلا جائیگا ۔ بقیہ دو میچز 28 اور 30 اگست کو اسلام آباد کلب میں کھیلے جائیں گے۔سکواڈ محمد حارث (کپتان / وکٹ کیپر ‘عبدالفصیح‘عرفات منہاس‘اذان اویس ‘فیصل اکرم ‘حسیب اللہ وکٹ کیپر‘جہانداد خان‘مہران ممتاز‘محمد عباس آفریدی ‘محمدعرفان خان‘ محمد عمران جونیئر‘مبصر خان‘عمیر بن یوسف اور عثمان خان پر مشتمل ہے۔پاکستان شاہینز سکواڈ نے کوچز کی زیر نگرانی بیٹنگ، بائولنگ اور فیلڈنگ سیشنز میں حصہ لیا۔پاکستان شاہینز سکواڈ کے تیرہ کھلاڑیوں نے پریکٹس میں حصہ لیا۔وکٹ کیپر بیٹر حسیب اللہ  پاکستان شاہینز سکواڈ کو جوائن کرلیا۔بنگلہ دیش اے ٹیم نے ون ڈے سیریز سے قبل اسلام کلب میں بیٹنگ، بائولنگ اور فیلڈنگ پریکٹس کی۔