فیروزوالہ( نامہ نگار) ڈکیتی ، راہزنی اور چوری کی متعدد وارداتوں کے دوران ڈاکووں نے عرس کی تقریب پر انے والے زاہرین سمیت متعدد افراد کو لوٹ لیا ۔ بدو پلی کے قریب ڈاکو عرس داتاگنج بخشؒ کی تقریب پر آنے والے رکشہ سوار زائرین سے 80 ہزار روپے کی رقم اور موبائل چھین کر لے گئے۔کوٹ عبدالمالک کے قریب پولیس کی وردیوں میں ملبوس ڈاکودن دہاڑے گھر میں داخل ہو کر محمد خالد اور فیملی کوکمرے میں بند کر کے ساڑھے پانچ لاکھ روپے اور لاکھوں روپے مالیت زیورات دیگر قیمتی سامان لوٹ کر لے گئے۔ موٹروے کے قریب ڈاکو موٹرسائیکل سوا دو دوستوں شہزاد اور اللہ رکھا سے نقدی اور تین موبائل چھین کر فرار ہو گئے۔ تھانہ فیکٹری ایریا کے علاقہ رانا بھٹی سٹاپ کے قریب دو ڈاکو وزیر علی سے نقدی دو موبائل چھین کر لے گئے ۔