سوئی گیس چوری ،اقدامات  کے موثر نتائج برآمد ،نیٹ ورکس پکڑے: انجینئر محمد آصف 

فیروزوالہ( نامہ نگار)محکمہ سوئی ناردرن گیس شاہدرہ کے ایریا منیجرانجینئرملک محمد آصف نے کہا سوئی گیس چوری کے حوالے سے اٹھائے گئے اقدامات کے موثر نتائج برآمد ہوئے ہیں فیلڈ ٹیموں نے ڈومیسٹک و کمرشل کنکشنز کی انسپکشن کرکے گیس چوری کے نیٹ ورکس پکڑے ہیں جن کا ارتکاب کرنیوالوں کو بھاری جرمانے کرنے سمیت ان کیخلاف مقدمات کا بھی اندراج کروایا گیا ہے تاکہ گیس چوری کے رجحان کی حوصلہ شکنی اور اس غیر قانونی عمل کی مکمل روک تھام ممکن بنائی جا سکے۔