پاکستان آٹھویں سلک روڈ انٹرنیشنل ایکسپو میں بطور مہمان خصوصی شرکت کرے گا: پاکستانی سفیر  

بیجنگ( آئی این پی ) بیجنگ میں پاکستانی سفارت خانے کے کمرشل قونصلر غلام قادر نے کہا کہ پاکستان 20 اور 24 ستمبر کو چین کے شہر شانسی کے شہر شی آن میں منعقد ہونے والی آٹھویں سلک روڈ انٹرنیشنل نمائش میں بطور مہمان خصوصی شرکت کرے گا۔چائنہ اکنامک نیٹ کے مطابق  غلام قادر نے کہا کہ حالیہ برسوں میں پاکستان اور شانسی کے درمیان مختلف شعبوں میں قریبی تبادلے ہوئے ہیں۔ رواں سال جون کے اوائل میں پاکستانی وزیر اعظم نے شی آن کا دورہ کیا تھا اور کہا تھا کہ وہ شانسی کے ساتھ معیشت، تجارت، توانائی، زراعت، تعلیم، سسٹر سٹیز اور دیگر شعبوں میں تبادلوں کو گہرا کرنے کے خواہاں ہیں۔چائنہ اکنامک نیٹ کے مطابق انہوں نے کہا کہ سلک ایکسپو کے مہمان خصوصی کی حیثیت سے شرکت دونوں ممالک کے درمیان مختلف شعبوں میں عملی تعاون کو فروغ دینے میں معاون ثابت ہوگی۔ غلام قادر نے کہا کہ پاکستان سے ایک بڑا وفد شرکت کرے گا اور وہاں پاکستانی مصنوعات کی نمائش کرے گا۔