فیروزوالہ( نامہ نگار) نواحی گاؤں کھٹیالہ ورکاں میں اراضی تنازعہ پر دوبھائیوںنےؒساتھیوں سمیت ڈنڈوں سے تشددکر کے بڑے بھائی کو قتل کردیا اور فرار ہو گئے ۔ تفصیل کے مطابق شیخوپورہ کا زمیندار 60سالہ فاروق احمد اپنی اراضی کھٹیالہ ورکاں آیا ہوا تھا۔اسکے بھائیوں گلزار اور شہباز نے اس سے اراضی کا حصہ مانگا جس پر تلخ کلامی ہو گئی ۔ ملزم بھائیوں نے ساتھیوں سمیت نے بڑے بھائی پر ڈنڈے برسا دیئے جس سے وہ شدیدزخمی ہوگیا۔فاروق احمد کو ہسپتال لایا گیا جہاں پر وہ زخموں کی تاب نہ لاکر دم توڑ گیا ۔پولیس نے مقتول کے بیٹے قیصر فاروق کی رپورٹ پر ملزموں کے خلاف قتل کا مقدمہ درج کر لیا۔بیٹے نے رپورٹ میں ملزموں پرمقتول کو زہریلی چیز کھلانے کا الزام بھی لگایا‘ پولیس تحقیقات میں سرگرداں ہے۔