بہاولپور میں موٹرسائیکل فٹ پاتھ سے ٹکرا گئی‘ باپ بیٹا جاں بحق ‘2  افراد زخمی 

بہاولپور (نیٹ نیوز) تیز رفتار موٹرسائیکل فٹ پاتھ سے ٹکرانے سے باپ بیٹا جاں بحق  جبکہ دو افراد شدید زخمی ہو گئے۔ افسوسناک حادثہ پل بلوچاں سمہ سٹہ کے قریب پیش آیا جہاں تیز رفتار موٹرسائیکل بے قابو ہوکر فٹ پاتھ سے جا ٹکرائی۔ حادثے میں باپ بیٹا موقع پر دم توڑ گئے جبکہ دو افراد شدید زخمی ہو گئے۔ ریسکیو ذرائع کے مطابق حادثہ تیز رفتاری کے باعث پیش آیا۔ جاں بحق افراد کی نعشوں اور زخمیوں کو بہاولپور وکٹوریہ ہسپتال منتقل کر دیا گیا۔