لاس اینجلس (نیٹ نیوز) سوزن سرنڈن کی پبلسسٹ نے اس بات کی تصدیق کی ہے کہ ہالی ووڈ جوڑے سوزن سرنڈن اور ٹم روہنز نے دو دہائی کے بعد علیحدگی اختیار کر لی ہے۔ بیان میں کہا گیا ہے کہ سوزن اور ان کے پچھلے 23 سال سے ساتھی ٹم روہنز علیحدہ ہو گئے ہیں۔ 63 سالہ سوزن کی ملاقات 51 سالہ روہنز سے 1988ءمیں فلم بل ڈرہم کے سیٹ پر ہوئی تھی۔ ان کے دو بیٹے ہیں۔ بیٹوں کے علاوہ سوزن کی ایک 24 سالہ بیٹی ایوا بھی ہیں۔ سوزن کی مشہور فلموں میں تھیلما اور لوئس اور دی روکی ہورر پکچز شو ہیں۔ ان کو فلم ڈیڈمین واکنگ پر آسکر ایوارڈ بھی ملا۔