انگلینڈ کےخلاف سیریزکیلئےپاکستان کی سولہ رکنی ٹیم کا اعلان کردیاگیا ہے، مصباح الحق کو کپتان برقرار رکھا گیا ہے جبکہ شعیب ملک کو قومی سکواڈ سےڈراپ کرکےعمر اکمل اور وہاب ریاض کوموقع دیا گیاہے، دیگرکھلاڑیوں میں محمد حفیظ، توفیق عمر، عمران فرحت، یونس خان، اسدشفیق، عدنان اکمل، اظہرعلی، سعید اجمل، اعزاز چیمہ، محمد طلحہ، عمر گل، عبدالرحمٰن اورجنید خان شامل ہیں۔ ایک روزہ اور ٹی ٹوئنٹی میچز کیلئےٹیم کا اعلان بعد میں کیا جائیگا۔ نیوٹرل وینیودبئی میں ہونےوالی اس سیریز میں دو وارم اپ میچز کےعلاوہ تین ٹیسٹ، چار ایک روزہ اور تین ٹی ٹونٹی میچز کھیلےجائیں گے، دونوں ٹیموں کےدرمیان پہلا ٹیسٹ سترہ جنوری سے دوبئی میں کھیلا جائےگا۔