لاہور (نامہ نگاران) شیخوپورہ، قصور، ننکانہ اور مضافاتی علاقوں میں ڈکیتی، چوری کی متعدد وارداتیں، شہری نقدی، زیورات، گاڑیوں، موٹرسائیکلوں اور قیمتی سامان سے محروم، مزاحمت پر ڈاکوﺅں کا تشدد، مسافروں سے بھری بس لوٹ لی، 8 ڈاکو گرفتار۔ شیخوپورہ سے نامہ نگار خصوصی کے مطابق ریٹائرڈ صوبیدار نذیر کے گھر واقع غازی مینارہ میں 4ڈاکوﺅں کا گروہ داخل ہوکر ہزاروں روپے مالیت کے کرنسی نوٹ وغیرہ لوٹ کر فرار ہوگیا ڈاکوﺅں نے نذیر کو مزاحمت کرنے پر تشدد کا نشانہ بھی بنایا دریں اثنا ہاﺅسنگ کالونی کے قریب پولیس نے ڈکیتی کی ایک واردات کو ناکام بناتے ہوئے ڈاکوﺅں کے بین الاضلاعی گروہ کے آٹھ ارکان کو اسلحہ سمیت گرفتار کرلیا جن میں ثنااللہ، غلام رسول، صابر، طارق اوڈ، عباس اوڈ، غوث عرف ملنگی اور وارث شامل ہیں ان میں سے 4 ڈاکوﺅں کا تعلق ضلع فیصل آباد سے ہے۔ ننکانہ صاحب سے نمائندہ نوائے وقت کے مطابق گورنمنٹ بوائز پرائمری سکول شہیدی کوٹ اور جھلار بلکا سنگھ سے گزشتہ شب نا معلوم چور تالے توڑ کر واٹر پمپ مالیتی 13000روپے لے گئے۔ مریدکےسے نامہ نگار کے مطابق چارے کا بیوپاری ملک طارق سے منوں آباد کے قریب جان سے مار دینے کی دھمکی دے کر چار ہزار روپے اور موبائل فون چھین لیا۔ راوی ریان کے بازار نمبر دو میں نصف درجن کے قریب کار سوار ڈاکوو¿ںنے نور خان نان شاپ سمیت پندرہ سے زائد دکانداروں سے درجن سے زائد موبائل فونز اور تین لاکھ روپے کے قریب نقدی لوٹ لی اور فرار ہو گئے۔ نارووال چوک مریدکے میں دو ڈاکوو¿ں نے علی نواز سے 28ہزار روپے، موبائل فون اور کار چھین لی جبکہ اقبال پارک میں رضوان سے موبائل فون اور آٹھ ہزار روپے لوٹ لئے۔قصور سے نامہ نگار کے مطابق بائی پاس پھول نگر سٹی کے نزدیک تیرہ ڈاکوو¿ں نے بس کو زبردستی رکوا لیا اور سواریوں سے تقریباً دو لاکھ روپے، زیورات اور دیگر قیمتی سامان لوٹ کر لے گئے۔ نئی بستی بھڈیاں نے نامعلوم ملزمان افضل کا ٹریکٹر ٹرالہ چوری کر کے لے گئے۔ مصطفی آباد کے نواح میں نامعلوم ملزمان اصغر مسیح کی موٹرسائیکل چوری کر کے لے گئے۔ پتو کی سٹی کے نواح سے نامعلوم ملزمان فرحت کا ڈالہ چوری کر کے لے گئے۔ ریلوے سٹیشن قصور کے نزدیک چار ڈاکو شہزاد سے نقدی وغیرہ لوٹ کر لے گئے۔ خانقاہ ڈوگراں سے نامہ نگار کے مطابق مین بازار میں ندیم عباس کی گاڑی نامعلوم چور لے گئے شہباز خان سے نقدی موبائل چھین لیا۔