لاہور (نامہ نگاران) شیخوپورہ، قصور، ننکانہ و مضافاتی علاقوں میں یوم قائداعظمؒ پر تقریبات، نماز فجر کے بعد قرآن خوای، کیک کاٹے گئے اور بانی¿ پاکستان قائداعظم محمد علی جناحؒ کو خراج عقیدت پیش کیا گیا۔ تحریک پاکستان کے کارکن اور پاکستان تحریک انصاف کے سینئر رہنماءچوہدری مشتاق احمد ورک آف کلہ نے کہا ہے کہ تحریک انصاف قائداعظم کے فرمودات اور علامہ اقبال کے نظریات کے مطابق نیا پاکستان بنانے مشن پر چیئرمین عمران خان کی قیادت میں گامزن ہے اور انشااللہ تحریک انصاف قائداعظم کے ویژن کے مطابق پاکستان کو اسلامی فلاحی ریاست جہان پر اقلیتوں کے حقوق کا پورا پورا تحفظ کیا جائے گا ان خیالات کا اظہار انہوں نے بانی پاکستان حضرت قائداعظم محمد علی جناح کی سالگرہ کی تقریب سے خطاب کرتے ہوئے کیا سابق آئی جی پولیس بلوچستان چوہدری محمد یعقوب نے کہا کہ کرپشن اور اقتدار کی باریاں لینے کی سیاست میں ملک کو تباہی کے دہانے پر پہنچا کر ملک کو اندھیروں کے دلدل میں دھکیل دیا ہے تقریب سے سابق ایم این اے چوہدری سعید ورک، سابق ایم پی اے میاں خالد محمود، انیس ریاست ورک، الحاج قیصر ذوالفقار بھٹی، منظور آصف ورک، ابوبکر مشتاق ورک، حافظ مدثر مصطفی، زین ندیم، پیر اعظم شاہ، مرتضی ورک نے بھی خطاب کیا۔ پاکستان مسلم لیگ ن کے سٹی ایم پی اے حاجی غلام نبی ایڈووکیٹ نے کہا ہے کہ ملک کی تعمیر و ترقی کیلئے ضروری ہے کہ ہم قائداعظم محمد علی جناح کے افکار اور نظریات کو اپنی زندگی میں ڈال کر پاکستان کو عالم اسلام کا قلعہ بنائیں مسلم لیگ ن ملک کو قائد کا پاکستان بنا کر دم لے گی ان خیالات کا اظہار انہوں نے بانی پاکستان حضرت قائداعظم محمد علی جناح کی 136یوم ولادت اور قائد مسلم لیگ ن میاں نواز شریف کی سالگرہ کا کیک کاٹنے کی تقریب سے خطاب کرتے ہوئے کیا سابق ایم پی اے حاجی محمد نواز، رانا خلیل گادی نے کہا کہ کرپشن اور اقتدار کے پجاریوں نے ملک کو اندھیروں میں دھکیل دیا آج ملک میں بے روزگاری مہنگائی بڑھ چکی ہے لوگ خودکشیاں کر رہے ہیں تقریب میں انوارالحق بٹ، شیخ جاوید اقبال، اکبر پنوں، اعظم گجر، مشتاق مہدی، چاند ظفر ورک، نیامت علی، نوید ناگرا نے بھی شرکت کی۔ شیخوپورہ سے نامہ نگار خصوصی کے مطابق پاکستان مسلم لیگ (ق) کے زیر اہتمام یوم قائداعظم کے حوالہ سے مرکزی تقریب پارٹی رہنما اور حلقہ پی پی 167 کے امیدوار چودھری شکیل عطاءاللہ ورک کے ڈیرہ پر ہوئی جہاں پر پارٹی رہنماﺅں نعیم اکبر ولانہ، خان عباس خان، چودھری احسان علی ورک، چودھری عطاءاللہ ورک، چودھری ثناءاللہ ورک، سیٹھ محمد رمضان، ایس ناہید منور ایڈووکیٹ، حاجی فلک شیر ورک و دیگر نے شرکت کی اس موقع پر چودھری شکیل عطاءاللہ ورک نے پارٹی رہنماﺅں کے ہمراہ کیک کاٹنے کے علاوہ ان کا شکریہ ادا کیا۔ علاوہ ازیں پاکستان تحریک انصاف یوتھ ونگ کے ضلعی صدر چودھری شہزاد علی ورک نے کہا ہے کہ قائداعظم کے خوابوں کو شرمندہ تعبیر کرنے کیلئے قوم کو اب اٹھ کھڑے ہونا ہو گا اور تحریک انصاف سمیت ایسی تمام محب وطن قوتوں کو کامیاب کروانے کیلئے میدان عمل میں آنا ہو گا جو واقعی اس ملک میں نفاذ اسلام اور اسلامی جمہوریت کی بحالی کیلئے کام کر رہی ہیں ان خیالات کا اظہار انہوں نے یہاں قائداعظم کی سالگرہ کا کیک کاٹنے کی تقریب سے خطاب کرتے ہوئے کیا چودھری شہزاد علی ورک نے کہاکہ عمران خان بھی ان چند رہنماﺅں میں سے ایک ہیں جن کے دل میں ملک و قوم کا درد ہے۔ سانگلہ ہل سے نمائندہ نوائے وقت کے مطابق مسلم لیگ ن لیبر ونگ کے مرکزی راہنما چوہدری برجیس طاہر ایم این اے اور چوہدری طارق محمود باجوہ ایم پی اے نے کہا ہے کہ مسلم لیگ نے قائداعظم کی قیادت میں ملک بنایا تھا اور مسلم لیگ ن میاں نواز شریف کی قیادت میں ملک کا تحفظ کرے گی، طاہر القادری صاحب کے پاس کوئی ایجنڈہ یا منشور ہے تو وہ اسے عوام کے پا س لے کر جائیں۔ وہ باجوہ ہاﺅس میں قائداعظم محمد علی جناح اور میاں نواز شریف کی سالگرہ کی تقریب سے خطاب کر رہے تھے، تقریب میں مسلم لیگ ن کے تحصیل صدر میاں اعظم شریف، جنرل سیکرٹری محمد عمران بوبک، چوہدری ذوالفقار علی باجوہ، سٹی صدر زاہد پرویز بٹ، ملک وسیم حسن ننھا، لالہ امان اللہ بٹ سمیت کارکنوں کی کثیر تعداد نے شرکت کی۔ سانگلہ ہل سے نمائندہ نوائے وقت کے مطابق مسلم لیگ ن یوتھ ونگ کے ضلعی صدر چوہدری امتیاز احمد کاہلوں نے کہا ہے کہ پنجاب حکومت کے ترقیاتی کام اور ساڑھے چارسالہ کارکردگی عوام کے سامنے ہے، مسلم لیگ ن کوجب بھی موقع ملا، اس نے ملک کو ترقی کی راہ پر گامزن کیا، مرکزی دفتر میں قائداعظم محمد علی جناح اور میاں نواز شریف کی سالگرہ کی تقریب سے خطاب کر رہے تھے، تقریب میں مسلم لیگ ن یوتھ ونگ سٹی کے صدر مقصود احمد معاویہ، جنرل سیکرٹری ملک محمد صدیق، حاجی محمد افضال کاہلوں اور محمد اعجاز کاہلوں سمیت کارکنوں کی کثیر تعداد نے شرکت کی۔ پاکستان مسلم لیگ ن کے مرکزی رہنماءمیاں جاوید لطیف ایم این اے نے کہا ہے کہ مسلم لیگ ن قائداعظم محمد علی جناح کے نظریات اور علامہ اقبال کے فلسفہ خودہی پر گامزن ہے انشااللہ نواز شریف اقتدار میں آکر پاکستان کو قائد اور اقبال کے نظریات کے مطابق بنائیں گے۔ ان خیالات کا اظہار انہوں نے بانی پاکستان حضرت قائداعظم محمد علی جناح اور قائد مسلم لیگ میاں نواز شریف کے یوم ولادت کے موقع پر ایک تقریب میں پارٹی عہدیداروں، کارکنوں اور رہنماﺅں خطاب کرتے ہوئے کیا اس موقعہ پر پی پی 166 کے امیدوار فیضان خالد ورک، کاشف عارف، میاں اعجاز احمد، ملک شہزاد ڈوگر اور دیگر بھی موجود تھے۔