لاہور (سپورٹس رپورٹر) انٹر ریجن/ ڈیپارٹمنٹس انڈر 19 ون ڈے ٹورنامنٹ 2012-13ءکے ٹرینگولر مرحلے میں مزید دو میچوں کا فیصلہ ہو گیا۔ زیڈ ٹی بی ایل اور ملتان کی ٹیموں نے اپنے اپنے میچز جیت لئے۔ پہلا میچ زیڈ ٹی بی ایل اور لاہور شالیمار کی ٹیموں کے درمیان کھیلا گیا جس میں زرعی ترقیاتی بنک کی ٹیم نے پہلے کھیلتے ہوئے 7 وکٹوں پر 258 رنز بنائے۔ لقمان بٹ 108 ناٹ آ¶ٹ رنز کے ساتھ نمایاں بلے باز رہے۔ جواب میں لاہور شالیمار کی ٹیم 206 کے سکور پر ڈھیر ہو گئی۔ زیڈ ٹی بی ایل نے 52 رنز سے میچ جیت لیا۔ دوسرا میچ ملتان اور پی آئی اے کی ٹیموں کے درمیان اسلام آباد میں کھیلا گیا جس میں ملتان کی ٹیم نے پہلے کھیلتے ہوئے تمام وکٹوں کے نقصان پر 164 رنز بنائے۔ جواب میں پی آئی اے کی ٹیم 113 کے سکور پر ڈھیر ہو گئی۔