لاہور (سپورٹس رپورٹر) پاکستان کرکٹ بورڈ کے زیراہتمام جاری پی سی بی پیپسی کرکٹ سٹارز انڈر 16 ٹورنامنٹ میں کوئٹہ، ملتان، بہاولپور، پشاور، راولپنڈی اور ایبٹ آباد کی ٹیموں نے اپنے اپنے میچز جیت لئے۔ ایل سی سی اے گرا¶نڈ میں کھیلے جانے والے میچ میں کوئٹہ نے کراچی کو 41 رنز سے مات دی۔ اس میچ میں کوئٹہ نے پہلے کھیلتے ہوئے 35 اوررز میں 9 وکٹوں پر 181 رنز بنائے۔ جواب میں کراچی کی ٹیم 140 رنز بنا کر آوٹ ہو گئی۔ اتفاق گرا¶نڈ لاہور میں کھیلے جانے والے میچ میں ملتان نے فیصل آباد کو 3 وکٹوں سے مات دی۔ اس میچ میں فیصل آباد کی ٹیم 96 کے سکور پر ڈھیر ہو گئی جواب میں ملتان کی ٹیم نے ہدف 7 وکٹوں کے نقصان پر پورا کر لیا۔ کرکٹ سنٹر گرا¶نڈ میں کھیلے جانے والے میچ میں بہاولپور نے سنسنی خیز مقابلے کے بعد لاہور کو ایک وکٹ سے شکست دی۔ اس میچ میں لاہور کی ٹیم نے 101 رنز بنائے۔ جواب میں بہاولپور کی ٹیم نے ہدف 9 وکٹوں کے نقصان پر پورا کر لیا۔ گروپ بی میں پشاور نے اسلام آباد کو 12 رنز سے مات دی۔ اس میچ میں پشاور نے 162 رنز بنائے، جواب میں اسلام آباد کی ٹیم 150 رنز بنا کر آ¶ٹ ہوئی۔ پانچواں میچ راولپنڈی اور سیالکوٹ کی ٹیموں کے درمیان اسلام آباد میں کھیلا گیا جس میں راولپنڈی نے 82 رنز سے کامیابی حاصل کی۔ اس میچ میں راولپنڈی نے 257 رنز بنائے جس میں ناصر نواز نے 69 نمایاں رنز بنائے، جواب میں سیالکوٹ کی ٹیم 175 پر ڈھیر ہو گئی۔ چھٹا میچ ایبٹ آباد اور فاٹا کے درمیان کھیلا گیا جس میں ایبٹ آباد نے 34 رنز سے کامیابی حاصل کی۔