گڑھی خدابخش میں بھٹو مزارکےاحاطےميں جلسہ گاہ بنا دی گئی ہے جہاں تقریب سے پیپلزپارٹی کےمرکزی اورصوبائی قائدین سمیت چیئرمین بلاول بھٹو زرداری اورصدرآصف زرداری خطاب کریں گے۔ اس موقع پرسیکیورٹی کے سخت انتظامات کیے گئے ہیں۔ گڑھی خدا بخش میں پولیس اور رینجرز کے دس ہزار سے زائد اہلکارفرائض انجام دیں گے۔ اس سلسلےمیں سندھ کے دیگر اضلاع سے بھی پولیس کی نفری طلب کی گئی ہے، دوسری جانب شہید بےنظیربھٹو کی برسی میں شرکت کیلئےلاہور، ملتان، گوجرانوالہ اور پنجاب کےدیگر شہروں کےعلاوہ دوسرے صوبوں سےقافلےپیپلزپارٹی کی مقامی قیادت میں گڑھی خدا بخش پہنچنا شروع ہوچکےہیں۔ گڑھی خدا بخش میں دوسرےصوبوں سےپہنچنےوالےقافلوں کیلئےالگ کیمپ لگائےگئےہیں۔