قومی ون ڈے ٹورنامنٹ : پشاور پینتھرز نے بہاولپور سٹیگز کو ہرا دیا

لاہور(سپورٹس رپورٹر) پاکستان کرکٹ بورڈ کے زیر اہتمام جاری قومی ون ڈے ٹورنامنٹ کے ساتویں مرحلہ میں پشاور پینتھرز نے بہاولپور سٹیگز کو 5 وکٹوں سے ہرا دیا۔ ارباب نیاز سٹیڈیم پشاور میں کھیلے جانے والے اس میچ میں بہاولپور سٹیگز کی ٹیم نے پہلے کھیلتے ہوئے مقررہ 45 اوورز میں 7 وکٹوں پر 230 رنز بنائے۔ ریحان رفیق نے 80، عمران اﷲ نے 53 نمایاں رنز بنائے۔ اعظم خان نے چار اور جبران خان نے تین کھلاڑیوں کو آؤٹ کیا۔ جواب میں پشاور کی ٹیم نے ہدف پانچ وکٹوں کے نقصان پر 232 رنز بنا کر حاصل کر لیا۔ عادل امین نے 59، جمال الدین نے 43، مہران ابراہیم نے 34 (ناٹ آؤٹ) اور گوہر علی نے 29 (ناٹ آؤٹ) رنز بنائے۔