مترو: پولیس نے 14سالہ لڑکی کی سعودیہ پلٹ شہری سے شادی ناکام بنا دی

مترو (نامہ نگار) کم عمری کی شادی پولیس نے ناکام بنا دی، تفصیل کے مطابق مترو کے نواحی چکنمبر 98/W.Bکے عبدالمجید نے اپنی 14سالہ نابالغ بیٹی نمرہ کی شادی سعودیہ پلٹ محمد سعید سکنہ امام آباد میلسی سے طے کی تھی گزشتہ روز چکنمبر 98/W.B میں محمد سعید بارات لے کر پہنچا تو اہل علاقہ نے 15پر کال کر دی تو مقامی پولیس شادی میں پہنچ گئی پولیس کے آنے سے نکاح نہ ہو سکا اور بارات کھانا کھا کر بغیر دلہن کے واپس چلی گئی بچی کے والد نے میڈیا کو بتایا کہ بچی کا صرف نکاح ہونا تھا جبکہ رخصتی دو سال بعد ہونا تھی۔