قصور (نمائندہ نوائے وقت)پاکستان، بھارت سرحد گنڈاسنگھ والا کے مقام پر ایک اور بلند پاکستانی پرچم لہرا دیا گیا ۔ سرحد پر پاکستانی پرچم لہرانے کی تقریب ہوئی۔قومی پرچم لہرانے کی تقریب میں قومی جذبہ عروج پر تھا۔ مہمان خصوصی کورکمانڈر ملتان لیفٹیننٹ جنرل عبداللہ ڈوگر نے قومی پرچم لہرایا ۔ڈی رینجرز پنجاب میجر جنرل اظہر نوید حیات بھی پرچم لہرانے کی تقریب میں موجود تھے ۔ تقریب میں مختلف شعبہ ہائے زندگی سے تعلق رکھنے والے افراد نے بھی شرکت کی ۔