لاہور (خصوصی رپورٹر) مسلم لیگ ق نے مسلم لیگ ہائوس میں میاں محمد منیر صدر لاہور کی زیر قیادت قائداعظم کی سالگرہ کا کیک کاٹا گیا۔ اس موقع پر میاں محمد منیر نے کہا کہ قائداعظم کا یوم ولادت منانے کا سب سے بہترین طریقہ یہ ہے کہ ہم ان کے فرمودات پر عمل کریں۔ سجاد بلوچ، شیخ عمر حیات، سہیل اصغر اعوان، سید بلال مصطفی شیرازی، میاں کامران سیف خان، صائمہ گل، سہیل چیمہ نے کہا کہ قائداعظم کی زندگی ہمارے لئے مشعل راہ ہے۔ تقریب میں صداقت وڑائچ، جنید خان، چاند، عائشہ شیخ، ناصرہ تاج، بہادر گلشن سمیت مسلم لیگ کے ونگز کے عہدیداران و کارکنان نے بھی شرکت کی۔