کراچی(صباح نیوز) کراچی کے علاقے ڈیفنس فیز 8 میں ٹرالر کی ٹکر سے موٹر سائیکل سوار 2 افراد جاں بحق ہوگئے۔ حادثہ ڈیفنس فیز 8 کی خیابانِ شجاعت پر کے الیکٹرک کے دفتر کے قریب پیش آیا، جس میں جاں بحق ہونے والے دونوں افراد کی شناخت نہیں ہو سکی۔ ریسکیو کے مطابق جاں بحق افراد کی عمریں 40 سے 35 سال ہیںجن کی لاشیں جناح ہسپتا ل منتقل کر دی گئیں۔ پولیس کے مطابق حادثے کا ذمہ دار ڈرائیور ٹرالر لے کر فرار ہو گیا۔ ادھر کراچی کے علاقے لیاری میں نامعلوم افراد کی فائرنگ سے ایک پولیس اہلکار زخمی ہوگیا، جسے طبی امداد کے لیے ہسپتال منتقل کر دیا گیا۔