کاراورکیری وین میں تصادم، ایک شخص جاں بحق

فتح جنگ(نامہ نگار) کاراورکیری وین میں تصادم ایک جاں بحق ،ڈھرنال اڈے کا رہائشی 50سالہ حاجی ریاسم ولد سلطان اپنی کیری وین پر ڈھرنال سے چند فرلانگ دور جا رہا تھا کہ دھند کے باعث سامنے سے آنے والی کار سے جا ٹکرایا حادثے کے نتیجے میں کیری وین ڈرائیور حاجی ریاسم شدید زخمی ہو گیا جسے فوری طور پر تحصیل ہیڈ کوارٹر ہسپتال منتقل کیا گیا جہاں سے ڈاکٹروں نے اسے راولپنڈی ہسپتال ریفر کر دیا جہاںزندگی او رموت کی کشمکش میں مبتلا رہنے کے بعد حاجی ریاسم جان کی بازی ہار گیا مرحوم کو بعد نمازِجنازہ ڈھرنال کے آبائی قبرستان میں سپردِ خاک کر دیا گیا ۔