قرض خواہ سے بچنے کیلئے اغواء کا  ڈرامہ رچانے والا گرفتار‘ مقدمہ درج

لاہور(نمائندہ خصوصی)انارکلی سے عامرنامی شخص کے اغوا کا ڈرا پ سین ‘مغوی عامر نے قرض خواہ سے بچنے کیلئے اپنے اغوا کا ڈرامہ رچایا ۔تفصیلات کے مطابق چند روز قبل تھانہ نیو انارکلی میں عامر نامی شخص کے اغوا کا مقدمہ درج ہو ا ۔انچارج انوسٹی گیشن تھانہ نیو انارکلی ریاض گوندل نے مقدمے کی تفتیش کرتے ہوئے مغوی عامر کو فیصل آباد کے علاقہ سے اپنی حراست میں لے لیا ۔انچارج انوسٹی گیشن ریاض گوند ل نے بتایا کہ مغوی عامر نے دوران تفتیش بتایا کہ اس نے قرض خواہ سے بچنے کے لیے اپنے اغوا کا ڈرامہ رچایا تھا ۔