کراچی(اسپورٹس رپورٹر) دیا وومن فٹبال کلب کے زیر اہتمام اینگرو مائننگ کول کے تعاون سے انڈر 13 بوائز اور انڈر 16 گرلز دوروزہ یورپین اسٹائل فٹبال لیگ گزشتہ روز تھر میں شروع ہو گئی ۔ایونٹ میں 8 ٹیمیں ، تھر، کراچی، سکھر، خیرپور، حیدرآباد، جامشورو، ٹھٹھہ اور میرپور خاص شرکت کر رہی ہیں۔ تھر سے گوتھیا کپ چائنہ میں فیئر پلے ٹرافی کا اعزاز حاصل کرنے والی ٹیم کی رکن دیوی اور جامنا بھی لیگ میں حصہ لیں گی۔دیا وومن کلب کی بانی و صدر اور فیفا ایڈمنسٹریٹر پاکستان سعدیہ شیخ نے تاریخی ایونٹ میں ہر ممکن سپورٹ پر سبین شاہ سے اظہار تشکر کرتے ہوئے کہا ہے کہ یورپین اسٹائل فٹبال لیگ سے گرلز اینڈ بوائز پلیئرز کی صلاحیتوں میں اضافہ ہوگا۔
اسٹائل فٹبال لیگ