آئی جی کپ کرکٹ ٹورنامنٹ  ٹریفک پنجاب نے جیت لیا

لاہور (سپورٹس رپورٹر) آئی جی کپ کرکٹ ٹورنامنٹ لاہور کی مختلف گراؤنڈز میں کھیلا گیا۔ پنجاب پولیس کے تمام ریجنز‘ ایلیٹ ایس آئی یو‘ پی ایچ پی‘ سپیشل برانچ‘ ایس او یو ‘ سی ٹی ڈی ‘ ٹیلی اینڈ ٹرانسپورٹ‘ فاروق آباد‘ لاہور پولیس‘ ٹریفک پنجاب سمیت 20 ٹیموں نے حصہ لیا۔ ٹریفک پنجاب کی ٹیم نے فائنل 3 وکٹوں سے جیت لیا۔ ٹریفک پنجاب کی کپتانی ٹریفک پولیس لاہور کے انسپکٹر سلیم جٹ نے کی۔ فائنل میں سی آئی ڈی نے مقررہ 20 اوورز میں 137 رنز بنائے۔ نور زمان نے 54 رنز بنائے۔ عدنان اور شفیق نے 3,3 کھلاڑیوں کو آؤٹ کیا۔ ٹریفک پنجاب نے ہدف 18.4 اوورز میں 7 وکٹوں پر پورا کر لیا۔ راؤ عامر نے 57 رنز بنائے۔ مہمان خصوصی ایڈیشنل آئی جی سی آئی ڈی عمران محمود نے انعامات تقسیم کئے۔