13دینی جماعتوں کاپاک فوج خدمات وقربانیوں کوخراج تحسین   

لاہور(خصوصی نامہ نگار)13جماعتی تحفظ ختم نبوت الائنس میں شامل جماعتوں جے یوآئی،جے یوپی،جماعت اسلامی،ورلڈپاسبان ختم نبوت،مسلم لیگ(علمامشائخ)عالمی تبلیغ دعوت الحق،مجلس احراراسلام،جمعیت اہلحدیث،جمعیت اہلسنت ، تحریک ملت جعفریہ، خاکسار تحریک ، مصطفائی جسٹس مومنٹ اورتحریک آزادی کشمیر کے راہنماکنوینئرالائنس علامہ محمدممتازاعوان اورحافظ حسین احمد،مفتی غلام حسین نعیمی،مولانامحمدالیاس چنیوٹی، ڈاکٹرفرید احمد پراچہ ،پیرسیدولی اللہ شاہ بخاری،میاں محمداویس،شیخ محمدنعیم بادشاہ،مفتی عاشق حسین نے سرحدوں کی حفاظت،امن وسلامتی کے قیام اوردہشتگردی کے خاتمہ کیلئے پاک فوج کی عظیم خدمات وقربانیوں کوبھرپورخراج تحسین پیش کیاہے اورکہاہے کہ وطن کے دفاع وبقاء کیلئے فوج کی بے پناہ قربانیاں انتہائی ناقابل فراموش ہیں جس پر23کرورڑعوام کواپنی بہادر وغیورمسلح افواج پرنہ صرف نازہے بلکہ وہ سفاک دہشتگردوں اوروطن وامن دشمنوں کودندان شکن جواب دینے کیلئے پاک فوج کے شانہ بشانہ ہروقت تیارکھڑی ہے۔