مسیحی برادری کی خوشیوں میں برابر کے شریک ہیں، یاسمین راشد 

لاہور(نیوزرپورٹر)صوبائی وزیر صحت وصدرپی ٹی آئی سنٹرل پنجاب ڈاکٹر یاسمین راشدنے پارٹی دفترمیں کرسمس اور قائداعظم محمد علی جناح کے یوم پیدائش کا کیک کاٹ دیا۔ اس موقع پر کرنل (ر)اعجازمنہاس،شنیلا علی،شیخ امتیاز،زبیرخان نیازی اور خواتین وحضرات کی کثیرتعدادنے شرکت کی۔ اس موقع پر کرنل (ر)اعجازمنہاس اور شیخ امتیاز نے بھی خطاب کیا۔پی ٹی آئی سنٹرل پنجاب کے مرکزی دفترکو کرسمس کے موقع پر انتہائی خوبصورت اندازمیں سجایاگیاتھا۔ صوبائی وزیر صحت و صدرپی ٹی آئی سنٹرل پنجاب ڈاکٹریاسمین راشدنے اس موقع پرکہاکہ آج حضرت عیسی علیہ السلام کایوم ولادت ہے۔آج قائداعظم محمد علی جناح کا بھی یوم پیدائش ہے۔کرسمس کے موقع پر مسیحی برادری کی خوشیوں میں برابرکے شریک ہیں۔پاکستان میں مسلم اور مسیحی برادری میں محبت کے رشتے قائم ہیں۔