گوجرانوالہ (نمائندہ خصوصی)سابق صدر چیمبر سعید تاج، پروفیسر محمد اکرم ورک اورجماعت اسلامی کے ضلعی امیر مظہر اقبال رندھاوانے کہا ہے کہ قائد اعظم محمد علی جناح نے برصغیر پاک و ہند کے ساتھ ساتھ عالم اسلام کو ایسی مملکت بنانے میں اپنا بھر پور کردار ادا کیا جس میں مسلمان آزادی کی سانسیں لینے کے علاوہ اپنے مذہبی عقائد کی ترویج کے لئے مصروف عمل ہیں یہ ہم پر قائد کا احسان ہے جس کا ہم کبھی بدلہ نہیں اتارسکیں گے یہ نوجوانوں کو پیغام ہے کہ قائد کے فرمودات کے مطابق مملکت کی ترقی ومضبوطی کے لئے کو ششیں جاری رکھیں ان خیالات کا اظہار انہوں نے مقامی ہسپتال میں قائد اعظم محمد علی جناح کی سالگرہ کی تقریب سے خطاب کرتے ہوئے کیاتقریب سے پروفیسر شہزاد لارنس،ڈاکٹر فاروق بھٹی،میاں عتیق، طاہر باہو،عابد سیالوی ودیگر نے بھی خطاب کیا بعد ازاں قائد اعظم محمد علی جناح کی سالگرہ کا کیک بھی کاٹاگیا۔