پنجاب دانش سکول جنڈ،چھٹی جماعت میں مستحق طلباء و طالبات کے داخلہ ٹیسٹ

 جنڈ(نمائندہ نوائے وقت)پنجاب دانش سکول جنڈ میں چھٹی جماعت میں مستحق طلباء و طالبات کے داخلہ ٹیسٹ کا انعقاد کیا گیا ، جس میں پنجاب بھر سے بچے اور بچیوں نے شرکت کی بوائز اور گرلز کیمپسس میں مستحق بچوں اور بچیوں کیلئے ایک سو چالیس مختص سیٹوں پر سولہ سو سے زائد طلباء  و طالبات نے داخلہ ٹیسٹ دیا پرنسپل دانش سکول بوائزراجہ افتخار احمد نے بچوں کے ورثائ￿ و والدین سے مخاطب ہو تے ہوئے کہا کہ ہماری پوری کوشش ہوتی ہے کہ ہم نیک نیتی سے مستحق بچوں کا ہی انتخاب کریں اس سلسلے میں کوئی بھی سفارش قابل قبول نہیں ہو گئی آپ لوگوں کو بھی چاہئے ایسے لوگوں کی نشاندہی کریں جو غریب بچوں کا حق مار رہے ہیں ، ڈپٹی ڈی ای اوفی میل مس کبریٰ نے دونوں امتحانی مرکز کا دورہ کیا انھوں نے میڈیا سے بات چیت کرتے ہوئے کہا کہ آج کا ٹیسٹ غریب اور مستحق بچوں کے لئے ہے کوئی بھی ان کا حق مار کر ظلم کا حصہ نہ بنے ۔ٹیسٹ میں کامیاب ہونے والے بچوں کی لسٹ سکول کے گیٹ پر آویزاں کی جائے گی۔