قائداعظم کے اصولوں پر عمل کرکے  ہم عظیم قوم بن سکتے ہیں،سعید احمدبیگ

کراچی (این این آئی) پاک امن ویلفیئر ایسوسی ایشن کے چیئرمین سعید احمدبیگ نے کہاہے کہ قائداعظم محمدعلی جناح نے، فہم وفراست،سیاسی دوراندیشی اور جہد مسلسل کے باعث برصغیر کے مسلمانوں کوایک آزاد ریاست حاصل کرنے میںقائدانہ کرداراداکیا،قائد اعظم محمدعلی جناح کے اصولوں پر عمل پیر اہوکر پاکستانیوں کو دنیا کی عظیم قوم اورپاکستان ایک خودمختارریاست بنایاجا سکتاہے۔یہ باتیں انہوں نے بانی پاکستان قائد اعظم محمدعلی جناح کے یوم پیدائش کے موقع پرپاک امن سیکریٹریٹ پر منعقدہ کیک کٹنگ تقریب سے خطاب کرتے ہوئے کہیں۔انہوں نے برصغیر کے مسلمانوں کیلئے ایک علیحدہ وطن کے قیام کیلئے قائداعظم محمدعلی جناح کی خدمات کوخراج عقیدت پیش کرتے ہوئے کہا کہ قائداعظم مسلم دنیا کے عظیم لیڈرتھے۔ تاریخ میں ان کا تذکرہ ہمیشہ سنہرے لفظوں میں کیا جائیگا۔انہوں نے کہاکہ نوجوان نسل کو نظریہء  پاکستان سے آگاہ کرناضروری ہے۔ قائداعظم کی زندگی جرات،دیانت داری،عزم مصمم،حق گوئی کاحسین امتزاج تھی۔اس موقع پر سید امتیازحسین شاہ،زبیر احمد، سید معراج احمد،عبیدالرحمان، سردارنوردین باریجہ، کمال احمد، گلزاراحمد، عبدالشکور باریجہ، راشدعلی، رجب علی، سید شاہدعلی، راشدعلی ، عبدالرحمان ملک ، شازیہ ریحان، سمیراسفیان، عائشہ عرفان ودیگر بھی موجودتھے۔