پنجاب آرٹس کونسل میں قائدا عظم کے یوم پیدا ئش پر تصویری نمائش کاا ہتمام

راولپنڈی ( سٹاف رپورٹر)پنجاب آرٹس کونسل میں قائدا عظم محمد علی جناح کے 146ویں یوم پیدا ئش کے موقع پر ' قائدا عظم کے شب و روز'کے عنوان سے تصویری نمائش کاا ہتمام کیا گیا۔نمائش کے مہمان خصوصی ممبر قومی اسمبلی عامر محمود کیانی تھے۔نمائش کے شرکاء سے خطاب کرتے ہوئے مہمان خصوصی عامر محمود کیانی کا کہنا تھا کہ قائداعظم نے مسلمانوں کے لیے دو قومی نظریے کی بنیاد پر جدوجہد کی، بابائے قوم کی قیادت میں پاکستان خود مختار ریاست بن کر ابھرا جس پر قوم قائد اعظم محمد علی جناح کو خراج تحسین پیش کرتی ہے۔بانی پاکستان کی تعلیمات پر عمل پیرا ہو کردور حاضر کے مسائل اور مشکلات پر قابوپایا جا سکتا ہے۔ہمارے زوال کی وجہ یہ ہے کہ ہم نے قائداعظم کے فرمودات فراموش کر دیاتقریب کے اختتام پر قائد اعظم کی سالگرہ کا کیک بھی کاٹا گیا۔ تصویری نمائش میں شہریوں کی ایک بڑی تعداد شریک ہوئی۔