گوجرانوالہ (نمائندہ خصوصی ) ملک بھر کی طرح گوجرانوالہ میں بھی مسیحی برادری نے کرسمس ڈے جوش و جذبے کے ساتھ منایا ،شہر اور گردونواح کے گرجا گھروں کو برقی قمقموں کیساتھ سجایا گیا تھا جہاں پر دعائیہ تقریبات کا اہتمام کیا گیا، ان تقریبات میں آنیوالے مسیحی مرد ،خواتین اور بچوں نے رنگ برنگے ملبوسات زیب تن کر رکھے تھے ، کرسمس کیک بھی کاٹے گئے ،دوسری جانب مسیحی ممبران امن کمیٹی پادری عارف مسیح سراج، پروفیسر شہزاد لارنس و مسیحی مذہبی قیادت نے کرسمس انتظامات پر اظہار تشکر اور چرچز کو فول پروف سیکیورٹی فراہم کرنے پر ڈی سی فیاض احمد موہل ، قائمقام آر پی او رانا محمد ایاز سلیم سی پی او ،ضلعی افسران سمیت سکیورٹی برانچ، سپیشل برانچ ، سی ٹی ڈی و دیگر قانون نافذ کرنے والے اداروں کو خراج تحسین کیا ۔