شیخوپورہ(نمائندہ نوائے وقت) مسلم لیگ (ن) کے ضلعی صدر سابق رکن صوبائی اسمبلی و امیدوار این اے 115پی پی 141 عارف خان سندھیلہ نے کہا کہ بانی پاکستان بابائے قوم قائد اعظم محمد علی جناح ایک مخلص رہنما اور برصغیر پاک و ہند کی مقبول شخصیت تھے جن کی بصیرت افروز، ولولہ انگیز اور جرات مندانہ قیادت نے مسلمانان جنوبی ایشیاء کو پاکستان کی صورت میں علیحدہ آزاد وطن عطا کیا، قائداعظم نے پاکستان بنایا اور آج وقت ہے کہ ہم اس کی تعمیرکیلئے اْٹھ کھڑے ہوں، معاشی ابتری اور بدامنی کے عذاب سے حقیقی معنوں میں نجات حاصل کرنے کیلئے ہمیں قوم کو متحد اور یکجا کرنا ہو گا تو دوسری طرف ان مسائل کے دائمی حل کیلئے پاکستان کو خارجی و داخلی اور دفاعی لحاظ سے مربوط اور توانا ملک بنانا ہو گا۔