لاہور (سپورٹس رپورٹر) کریسنٹ ماڈل ہائیر سکینڈری سکول شادمان میں 2 روزہ کراٹے  کیمپ لگایا گیا۔جس میں طلباو طالبات ،نوجوان کھلاڑیوں اور انسٹرکٹرز کو تربیت دی گئی۔ ٹریننگ  کیمپ میں کوچنگ کے فرائض انٹرنیشنل گولڈ میڈلسٹ کوچ حسین علی چنگیزی نے سرانجام دئیے۔کھلاڑیوں میں کراٹے مقابلے بھی ہوئے۔ کیمپ کے چیف آرگنائزر فیاض فیروز صدر جاپان کراٹے پنجاب تھے۔اختتامی تقریب میں سائرہ خلیل ، طاہرہ سلیم ڈائریکٹر سپورٹس پنجاب یونیورسٹی اور صدارتی ایوارڈ اسکائوٹ لیڈر مقصود چغتائی نے بھی شرکت کی۔