لاہور (سپورٹس رپورٹر)سابق ٹیسٹ کرکٹر یاسر عرفات کو پاکستان ٹی 20 ٹیم کا ہائی پرفارمنس کوچ بنانے کا فیصلہ کیا گیا ہے۔یاسر عرفات کی تقرری آسٹریلوی کوچ کی جگہ ہوئی ہے۔ ٹیسٹ سیریز کے بعد آسٹریلوی کوچ تبدیل ہو جائیں گے۔ یاسر عرفات کی تقرری قومی ٹیم کے ڈائریکٹر محمد حفیظ کی سفارش پر ہوئی ہے۔ سابق کرکٹر یاسر عرفات کو ابتداء میں جنوبی افریقہ میں پاکستان انڈر 19 کا بولنگ کوچ مقرر کیا گیا تھا۔یاسر عرفات لندن سے اسلام آباد پہنچے اسلام آباد پہنچ کر ان کا تقرر پاکستان ٹیم کے ساتھ کر دیا گیا۔یاسر عرفات 3 جنوری کو ٹی ٹوئنٹی ٹیم کے ساتھ آکلینڈ جائیں گے، وہ نیوزی لینڈ میں کلب کرکٹ کھیل چکے ہیں۔