پنجاب اور سندھ کے میدانی علاقوں میں دھند چھائی رہی ،پنجاب میں شدید دھند کے باعث حد نگاہ صفر ہونے پر موٹر وے کو مختلف مقامات سے بند کر دیا گیا۔ترجمان موٹر وے پولیس کے مطابق ایم ٹو لاہور سے کوٹ مومن تک، موٹر وے ایم تھری فیض پور سے رجانہ تک ٹریفک کیلئے بند رہی ۔موٹر وے ایم 4 شیر شاہ سے پنڈی بھٹیاں تک بند رہی ، موٹر وے ایم 5 شیر شاہ سے روہڑی تک گاڑیوں کا داخلہ ممنوع ہے جبکہ لاہور سیالکوٹ موٹروے بھی دھند کی وجہ سے ٹریفک کیلئے بند کر دی گئی ،شدید دھند کے باعث اہم شاہراہوں پر ٹریفک کی روانی متاثرہوئی ۔ترجمان موٹر وے پولیس نے کہا کہ مسافر غیر ضروری سفر سے گریز کریں، دوران ڈرائیونگ اگلی گاڑی سے مناسب فاصلہ رکھیں اور فوگ لائٹ کا استعمال یقینی بنائیں۔