سینٹل (نیٹ نیوز)  امریکا میں ایک ایکلیپس نامی کتیا اپنی ذہانت کی وجہ سے کافی مشہور ہو رہی ہے جو خود بس پکڑ کر پارک میں کھیلنے کیلئے جاتی ہے اور بس میں ہی بیٹھ کر واپس گھر آجاتی ہے۔ سینٹل امریکا سے تعلق رکھنے والی ایکلیپس پارک تک پہنچے کیلئے ہر روز بس کا سفر کرتی ہے اور وہاں چند گھنٹے کھیلنے کے بعد بذریعہ بس ہی واپس گھر آجاتی ہے۔ یہاں تک کہ اس کے کالر میں بس پاس بھی لٹکا ہوا ہوتا ہے۔ایکلیپس کے مالک جیف ینگ نے اس حوالے سے بتایا کہ یہ سب اس وقت شروع ہوا جب وہ ایک دن اپنی مخصوص بس کے آنے کے انتظار میں کھڑے تھے۔ دریں اثناء ایک بس آئی اور ایکلیپس نے اپنے مالک کے بغیر بس میں چھلانگ لگا دی اور چند سٹاپس کے بعد خود ہی واقف پارک نظرآنے پر بس سے اتر گئی۔